早前透過Kimchumma JEJU安排咗去濟州影 pre-wedding 相，一個Package包新娘同新郎租衫、化妝、翻譯、一晚市區住宿同專車去唔同景點拍攝，基本需要都照顧到，拍攝方便咗好多，令我哋可以專注喺拍攝同享受過程。

拍攝日早上司機會去酒店樓下接送去Studio選擇婚紗同禮服試身同埋化妝，準備完成就出發去唔同景點影相。影相當日我地去咗幾個好靚既地方，包括沙灘、樹林、芒草同花海，每一個景點相隔距離都只係十幾分鐘至半個鐘，化妝師同助手都會額外用你手機幫你拍攝花絮，而且都影得唔錯。

雖然拍攝日有小小插曲，最後助手準備嘅其中兩種小道具當日用唔到，但整體合作都幾愉快，而且最後影出黎既效果我哋都幾滿意，為我地留住咗一段好重要既回憶。

如果你都考慮去濟州影 pre-wedding 相，Kimchumma JEJU係其中一個選擇，希望大家都搵到適合自己嘅攝影公司，喺濟州拍到屬於自己既動人時刻！

#PreWedding #濟州 #沙灘 #樹林 #花海 #Kimchumma JEJU