同未婚妻都好喜歡濟州嘅花海，所以決定10月去左影prewedding，有蕎麥花同粉紅芒草。
婚攝公司選左Kimchumma JEJU，所有安排都很妥當。原本預定拍攝當天預報有橫風橫雨，好彩佢地2日前已經提前同我地whatsapp溝通，同攝影師夾完之後將日子改後一日，所以最後藍天白雲，我地都好開心。攝影師係當地韓國人，非常熟悉當地天氣以及拍攝好地方。Kimchumma JEJU當日有安排中文翻譯+司機，所以唔洗擔心同攝影師/化妝師有溝通問題。
當日行程：
- 首先會朝早到化妝工作室，主要2個任務就係選婚紗+禮服，同埋化妝+set頭。服裝選擇相當充足，新娘選左3套婚紗for 3個唔同場景替換。
- 中文翻譯亦是十分有經驗，會在適當時間帶我地去食少少lunch，令到我地影相時都唔會太肚餓。
- 下午開始去第一個拍攝場地 - 樹林。有很多對準新人都影緊，但係攝影師依然搵到一個好靚同好好光線嘅位影。
- 第二個場地係蕎麥花田。除左普通近照之外仲影左好多wide shot同埋video。
- 第三個場地係粉紅芒草。配合接近日落時間可以影到好好嘅光線。留意第二第三個景點都要負責入場費用，但係以我記憶無好貴的。
- 最後場地係海灘嘅日落。我地換上自備嘅便服影一個唔同嘅感覺。
總體而言係一個非常好嘅體驗，Kimchumma JEJU事前事後都提供好充足嘅support，會適當嘅時候提醒我地應準備嘅事項，令到我地一對新人唔會太擔心。當日所有幫忙嘅人 (攝影師/化妝師/翻譯)都十分nice同有經驗，知道我地有時會不知所措所以俾左好多guidance我地，令到成件事好舒服。
翻到香港隔幾日已經睇到相架啦。選完相俾佢，3個月後都已經收到精修相片同埋Video。
今次真係無選錯婚攝公司，如果大家想去Jeju影婚紗相，我地都會推薦Kimchumma JEJU。